Шумуд девир къвез алатна,
Чи бубаяр къекъвей вик1егь,
Хайи чилив зун агатна,
Лугьузва ваз, дарман Ахцегь!
Дагъдин кьилел атанва рагъ,
Нурламишиз дерени-багъ.
Зи руьгьдин экв куьк1вей утагъ,
Шарвилидин ватан Ахцегь!
Веси яз хуьх дидедин ч1ал,
Леке гъимир гьич жувандал,
Аманат хьуй куьн Аллагьдал,
Гьар сад авайна, чан Ахцегь!
Самур вац1ун т1еамлу яд,
Куьтягь жедач хъуналди мад.
Чи лезги халкь хьурай абад,
Яшамишрай масан Ахцегь!
Секина. Чи район Ахцегь
© Copyright: Магомед Мирзоев Мирзой, 2024
Свидетельство о публикации №124120307734
Свидетельство о публикации №124120307734
Рецензии