Хутка узыдзе зiма...

***
Хутка ўзыдзе зіма
На лясы і сады,
Нібы цар малады
Пасля бацькі на трон.
Хутка ўзыдзе зіма
На гарод і на двор,
Апраўдальны абвесціць
Усім прыгавор:
І каліне ля плоту,
Што кроўю гарыць,
І на ружы лісту,
Што працягвае жыць,
І паэту, і лету,
Й цару маладому;
І сабаку й кату,
Якіх выгналі з дому...
Хутка прыйдзе зіма
І прысніцца мне сон,
Нібы цар малады
Узыходзіць на трон.

30. 11. 2024 г.


Рецензии