Накь базардай ширин мукаш къачуна,
Гьевесдивди адан къайгъу ч1угуна!
К1ешниш-периш, какаярни кутуна,
Нянихъди мад за пич1екар авуна!
Гьа и ч1авуз зи рик1ел мад хтана
Вуна лагьай ч1алар, завди рахана:
-Гуьрчек к1алуб, юкьни шуьк1уь, ч1агана,
Муднидаказ къекъвезава дат1ана!
Хьанач завай пич1екрал мад гъил яргъи,
Иштягьдини ханай гьа ик1 зи кефи.
Нез тахьайла аквадай лап дадлу яз,
Йиф акъатна гатаз къеняй далуяр.
Акьахайла терезилдал экуьназ,
Са пуд кило мад акуна яхун яз.
Кьил акъатнач и кардай зи сак1ани,
Белки пич1ек туьт1урвиляй я жеди?
Секина. Ви гафар зав рахана
© Copyright: Магомед Мирзоев Мирзой, 2024
Свидетельство о публикации №124113007388
Свидетельство о публикации №124113007388
Рецензии