Къаьна къона доттаг1ий мустафа ганижев

КЪАЬНА КЪОНА ДОТТАГ1ИЙ         Мустафа Ганижев

Адам доттаг1, Байга Махьмуд,
Цхьан баг1ар со д1ачуваьлча:
«Мичар дайза в1ашакхийтад,
Шо шойла, сел тарадалча»?
Уж шеккъе белалуш хилар,
Шойла б1арахьожаш т1аккха:
«Тхо Макка Хьажий ц1аг1 дайзар,
Долхаш-доаг1аш да цхьан наькъа».
Т1аккха аз аьлар велалуш:
«Дала ма къоасадолда шо!
Далла хов нах в1ашаг1тохаш,
Бахийта, з1амиг бераш мо».
Адамах да ве мегагвар,
Х1аьт Махьмудах во1 ва оалаш.
Цанна ер дуне тайнадар,
Боккха-з1амига уж боацаш.
Цар шинне мотт в1ашаг1кхетар,
Со цанна новкъа хин мара.
Кухни истол т1а уж 1еш бар,
Бар уж шеккъе берашт тара.
Брежнев ший орденашца вар,
Доккха суртах 1от1а хьежаш.
Цун батт яр кхаь ж1ален яал,
К1ай кийтал ювха Бодж Брежни.
Цанна б1арахьийжар со тоал,
Ваг1а ца мега дар Дуни.
Х1аьт сиха вахар со цигар,
Далла-м хов нах в1ашаг1тоха,
Шоаш моргаш дикаг1 хьалохаш.
Цу наьха дегаш хул лувха,
1аьли-юртар вахар довзаш.
              29.11. 2024 ш..