Я бахтавар, зул мус атуй,
Хъипи пешер авадариз?
Зунни къведа Билиждиз кьван,
Яр машинда акьадариз.
Яр Бакудиз фидайвал я
Варцар алай машиндаваз.
Зунни къведа, шуьше къелем,
Ви палтудин жибинда-ваз.
Вили цавуз мисмар яна,
Къизил зунжур галк1уй лугьуз.
За Бакудиз тел янава,
Гуьзел алма хтуй лугьуз.
Бакудиз физ, к1вализ техкъвез,
Зун ви к1валин лежбер яни?
Дуллух къачуз жибинда тваз,
Кай рик1икай хабар яни?
Бакуд чиле къван твазава,
Къван твазава рагар-рагар.
Къе зи ширин чан т1азава,
Кай къелемаз авач хабар.
Ви к1вале-вай ч1улни гапур,
Гьалкъа (а)т1ана циз аватрай.
Яр хкведай Бакуд рекьиз
Къизилгуьлдин цуьк акъатрай.
Шалбуз-дагъдин кьакьан давгълар,
Циф атана ац1удайд туш.
Чна гьик1ин, я чан вахар,
Яр Баукдай хкведайд туш!
Караватдал вегьей месер
Яр тахтана баят хьана;
Ирид йис я зи яр фена,
Гила чун фир нубат хьана.
49-2
© Copyright: Магомед Мирзоев Мирзой, 2024
Свидетельство о публикации №124112905755
Свидетельство о публикации №124112905755
Рецензии