ИЕРДИ песня
ОН
Са сефер Вун акур вилери
Килигиз к1анда мад лугьуда.
Зи рик1е авайкьван сирери
Михьи хиялар ваз лугьуда.
ОНА
Ракъиниз авач гьакьван нурар,
Вун яргъалай заз килигайла,
Ви вилерай акуна гатфар,
Цава, чиле къаяр авайла.
ОН
Фена вун виликай, такуна,
Вил алудиз завай тежерди,
Гьикьван зи чан ц1урурда вуна,
Я иерди, я чан, иерди.
ОНА
Атана вун атана патав,
Атайдихьиз са чими ялав,
Вун атай рекьерни са багъ я,
Зи патав атай чими рагъ я.
ПРИПЕВ
Яргъал хьана амукьайт1а зун вавай,
Мад багьа кас жедайди туш заз валай,
Рахаз гьакьван ширин, назик мецелди,
Зи рик1 вуна кумир, я чан иерди.
Селминат Курабекова
Исполняет легендарный лезгинский ансамбль МИРЕС.
МАГИЗАР АЛИЕВА
ЭРЗИМАН ОСМАНОВ
Авторские права защищены законом
Иерди
© Copyright: Сельмина Курабекова, 2024
Свидетельство о публикации №124112903340
Свидетельство о публикации №124112903340
Рецензии