Цавай фидай вили лифер,
Яраб, абур вахар я жал.
Бакудавай к1ани ярдиз
Кай рик1икай хабар я жал.
Бакуд кьулал бадамдин тар,
Яд галачиз кьуразава.
Яр Бакудай хкведалди
Зи рик1 къене ц1уразава.
Бакуд кьулухъ марфар къвазва,
Ваз акъваздай далда (а)вачни?
Вири эллер хквезава,
Ваз хкведай багьна (а)вачни?
Къуба пата багълар ава,
Нуьгвед ичин тарар авач.
Са цинин сан рухсат я ваз,-
Мад Бакуда ви кар авач.
Бакуд кьулухъ са тар гала,
Адан кьулухъ гьуьл гала, яр.
Чаз на гъайи зат1ни к1андач-
Ширин чандихъ вил гала, яр.
Къир тапуда, яр Бакуда,
Гьар гатфариз гьам алук1да;
Гьикьван фида вун Бакудиз?
Гъайи сусар хам амукьда.
Ша рушар, чун вири фида
Цуькведивди дигай багъдиз.
Аман бажи, хъша лагь зи
Бакуда-вай гуьзел ярдиз.
49. Гьижрандкай
© Copyright: Магомед Мирзоев Мирзой, 2024
Свидетельство о публикации №124112901906
Свидетельство о публикации №124112901906
Рецензии