Виликди рабочийрин гьал-агьвалдкай,
к1валах-кеспидкай.
Яр Бакуда дворник я
Кишпирдикай мидал аваз;
Ярдин рик1е хиял ава
Са ченгидал вилер алаз.
Я яд фидай багълар яха,
Лали-гевгьер къвез ацукьда.
Чна гьик1ин, я чан баха,
Яр Бакуда шез ацукьда.
Баку лугьур ч1улав дере,
Йифен ахвар ширин бере,
Сириставдин ван хьайила,
Гуьлле кьурд хьиз жеда пеле.
Чаз Бакудиз физ к1анзава
Пасажирдин машинда-ваз,
Фейит1ани яр аквадач,
Хузайиндин къуллугъдал-лаз.
Яр Бакуда ачарчи я,
Чан ачардал гъил алай яр!
Яр ц1икьвед сят вахтуна-ва,
Сириставдал вил алай яр!
Бакуд кьулал гьачар ала,
Чан гьачардал к1вач алай яр!
К1вале недай зат1ни авач,
Къулал недай т1ач алай яр.
Къизилгуьлдин пуд цуьк ава,
Миргер авай суддин гьаят.
Чи стхаяр Бакуда-ва,
Я сад аллагь, вал аманат.
48. Бакудиз
© Copyright: Магомед Мирзоев Мирзой, 2024
Свидетельство о публикации №124112901793
Свидетельство о публикации №124112901793
Рецензии