Чубан ярди чанта расда,
Чанта расда гьенгиналди;
Чан чубан яр, зун ваз къведа
Дак1анбурун женгиналди.
Чубан ярдин кьеркьи(н) чанта
Эрч1и гъилихъ ам галаз хьуй.
Чан диде, зун чубандиз це:
Рик1из к1ени яр галаз хьуй.
Халуди гъай хъипи бешме,
Дабандал кьван п1ип1 ават хьуй.
Чун бубади гудайлахъди,
Чип вегьена, чубандиз гуй.
Беред сивиз къван аватрай,
Гьарай хъия чубанариз;
Чун рик1е-ваз къурху гумир
Вилик кувай гьайванариз.
Мими* суван яйлахда-вай
Къацу векьин кук1вавай цуьк.
Варцаралди ахкван тийиз,
Чубан яр, зи канава рик1.
Дертлу-дертлу кфил ягъиз,
Чубан, вун вуч перишан я?
Валай гъейри масадаз фич,
Зак кувайди ви лишан я.
*Мими-сув - Ахцагь райондин
Хуьруьгрин суван т1вар.
47. Чубандиз
© Copyright: Магомед Мирзоев Мирзой, 2024
Свидетельство о публикации №124112807511
Свидетельство о публикации №124112807511
Рецензии