Къван алахьай Рич1ар дагълар,
Циф югъвай кьван харар къвада.
Юргъвад вац1ар к1аникай физ,
Ваз гьик1а, яр, ахвар къведа?
Цавай фидай вили лифер,
Вили лифер луж авуна.
Гурба-гур хьай ч1ехи ханди
Чи вахариз гуж авуна.
Чаз винтовка гъваш лагьана
Дустун къавун ч1ередилай.
Гьич са метлеб дуьз тахьана,
Физава чун дуьнедилай.
Чун дердерин кафандава,
Къуьнерал-лаз твах жегьилар.
Чи дуьнедихъ вил галама,
Сура пенжер тур к1ани яр.
Сурал фена эверайт1а,
"Гьай" лагьана рахада жал?
Сура пенжер турт1а, ччан яр,
Яраб чаз экв аквада жал?
Аман има вуч кар хьана,
К1вач аватай яд авай вир.
Ч1ур хьана фий кьакьан дагълар,
Аквадайвал яр авай хуьр.
На чит гъваш яр, за валчагъ ккуьн,
Ви валчагъда ирид хвал хьуй;
Валчагъ алаз кимел экъеч1!
Душманариз дуьнья сал хьуй.
46-3
© Copyright: Магомед Мирзоев Мирзой, 2024
Свидетельство о публикации №124112804989
Свидетельство о публикации №124112804989
Рецензии