Ляжалі яблыкі ў траве, у нашым садзе,
Ляжалі яблыкі ў траве, аж ў лістападзе.
Няма каму іх падбіраць -- з'гніюць, вядома...
Ляжалі яблыкі ў траве пустога дома.
Апошні ліст мароз сарваў, вось з той галіны...
Ляжалі яблыкі ў траве -- дзяцінства ўспаміны.
Няма каму іх падбіраць, няма нікога,
Бацькі памерлі і сюды ўжо зарасла дарога.
Вянок сардэчніка завяў навокал дома...
У думках я прыходжу ў сад, дзе ўсё знаёма,
Дзе сад абпальваюць агнём кусты каліны,
Ляжалі яблыкі ў траве... Я іх пакінуў...
Ляжалі яблыкі ў траве -- агонь каліны,
Ляжалі яблыкі ў траве -- дзяцінства ўспаміны...
Ляжалi яблыкi...
© Copyright: Леонтий Обринский, 2024
Свидетельство о публикации №124112803225
Свидетельство о публикации №124112803225
Рецензии