***
За забыццё, за свежы вецер
Цані жыцця кароткі міг,
Пакуль яшчэ жывеш на свеце
І, нібы вецер, не заціх.
І снег, што ціха лёг на дахі,
І дня асенняга імглу,
І радасці свае і страхі,
І кроплі, што цякуць па шклу,
Цані, пакуль жывеш на свеце
І, нібы вецер, не заціх.
Цані штодзень да самай смерці
Сяброў і ворагаў сваіх.
27. 11. 2024 г.
За забыццё, за свежы вецер...
© Copyright: Юрий Боровицкий, 2024
Свидетельство о публикации №124112704326
Свидетельство о публикации №124112704326
Рецензии