Гададини руша чпи чеб Эслидизни Керемаз
ва Лейлидизни Межнуназ ухшатмишункай.
Вун агъадай виниз килиг,
Виниз килиг, вун лейли хьуй.
Икьван дердер зи чанда ттур,
А ви залум дах дели хьуй.
Ви вилер шез, сив хъуьреда,
Шумал буйда гьатай гьайиф!
Лейлид хурал атай Межнун,
Шез акъудур зун тухвай йиф.
Куьчедай (а)гъуз Керем къведа
Баяддалди лугьуз-лугьуз,
Айвандикай Эсли шеда -
"Аман Керем, кая!"- лугьуз.
Эслин(и) Керем кьвед са багъда,-
Седеф сарар акъудзава.
Я ц1ай кьуна кайи Керем,
Вавай Эсли къакъудзава.
Кереманни Эслид сурун
Арада-вай къаратикен,
Тарагъаждиз ч1угурт1ани,
Дак1ан ваказ фидан меген?
45-4
© Copyright: Магомед Мирзоев Мирзой, 2024
Свидетельство о публикации №124112103451
Свидетельство о публикации №124112103451
Рецензии