***
Дождж спявае ціха за акном...
Зноў дамоў вярнулася суседка.
Дзесь купіла маці новы дом,
Перавезла маму - з табурэткай.
У старой хаціне ні вады,
Ні цяпла. Дык што гэта за хата?
Вецер там свістаў на ўсе лады,
Дый людзей у вёсцы небагата.
Ды пакуль шчэ на сваіх нагах,
Да дачкі і зяця не жадае.
Лепей жыць на родных берагах,
Дзе знаёма кладачка любая.
Там плыве жыццё між берагоў
І мяняць сваё не хоча ложа.
Ад аблокаў тых і ад лугоў
Сэрца адарвацца ўжо не можа.
Дождж спявае ціха за акном
Калыханку дбайлівай суседцы.
Аглядае новы цёплы дом
Там матуля дзесь... на табурэтцы.
20. 11. 2024 г.
Дождж спявае цiха за акном...
© Copyright: Юрий Боровицкий, 2024
Свидетельство о публикации №124112006503
Свидетельство о публикации №124112006503
Рецензии