Чаз къизилдин къуба к1анда,
Къуба (а)лачиз кар жедани?
Чаз Къубадай гада к1анда,
Кьуьзуьдакай яр жедани?
Къаварилай къаваралди,
Къавун ч1ере к1вал хьайи яр.
"Гудач" луда ваз бубади,
Рик1ин къене т1ал хьайи яр.
Заз къай алай синел к1ан я,
Чангар алай жуна гъваш, яр!
Зун бубади ваз тагайт1а,
Зи т1вар алай суна гъваш, яр!
Зун а пата, вун и пата,
Арада-вай мензил вуч я?
Икьван чун чаз к1ан хьайила,
Несиб тахьун делил вуч я?
Кьакьан къавал вердиш хьай къвед,
Вун къаварал къвезамач хьи?
Кьил хура тваз хажалатмир -
Зун чарадаз физавач хьи.
Чи вилик квай ник1ерай-гъуз
Уьрдегари луж авуна.
Икьван к1ани ваз дагана,
Чаз бажиди гуж авуна.
45. Гъуьлуьз финкай ва эвленмиш хьункай
© Copyright: Магомед Мирзоев Мирзой, 2024
Свидетельство о публикации №124112004453
Свидетельство о публикации №124112004453
Рецензии