Накь рагъ алай, къе серинда,
Къе серинда, я серин ттар.
Ви сериндик зи яр к1андай,
Къизилгуьлдин цуьк алай ттар.
Я заз акур хаму билбил,
Зи вилеркай вун гьик1 квахьна?
Хаму катран ериш аваз,
Цацун валак гьик1 акахьна?
Яхц1ур к1арц1ин кьакьан гурар
Кьакьан к1вализ аск1ан хьана.
Лацудни туш, къумралди я,
Душман рик1из гьам к1ан хьана.
(К1авузардал ракь ат1уда,
Ракь ат1уда къайилахди.
Ч1улаввилиз вуж килигда,
Рик1из чими хьайилахъди).
Чанда дердер ава лугьуз,
Дердерин сан гуз жедани?
Чан ширинда, я кьей вахар,
Чан ц1а туна куз жедани?
На хаму шив вац1а твамир,
Вац1а-вай яд къайиди я.
На ви дердер заз ахъаймир,
Зун валайни кайиди я.
Агъадихъай рагъ экъеч1на,
Вад юк1униз ник ат1ана.
Эвел кьиляй "к1анда" лугьуз,
Эхир на зи рик1 ат1ана.
Ви чуьнгуьрдал ц1уд т1уб ала,
Гьар туп1укай са къизил хьуй!
Чи кьил т1ада, я чан хала,
Ви гъил эциг, чаз кьезил хьуй!
44-4
© Copyright: Магомед Мирзоев Мирзой, 2024
Свидетельство о публикации №124111907241
Свидетельство о публикации №124111907241
Рецензии