Къуй Аллагьди нурламишрай дидеяр,
Гайивилел разивална къекъвезвай!
Къуй Аллагьди нурламишрай дидеяр,
Сагъсузбурухъ, сабур хвена, гелкъвезвай!
Сад Аллагьдиз хабар я гьар рик1икай,
Заландаказ къекъвезвайдан рекьикай,
Къавни алаз, ч1имел авай к1валикай,
Кьет1ен бала кинарзавай гъиликай.
Зул алукьна гатакай дад такуна,
Сегьер хьана ширин ахвар такуна,
Балад чина рагъ хьана вун акьуна,
Уьмуьрлухъди вирт хьана ви мецикай.
Дагъви диде, ви къаст дагъ хьиз к1еви я,
Вун баладиз гадни гатфар, вири я,
Вун Аллагьдиз акуначир аси яз,
Дердер эхиз къван хьана ви рик1икай.
Заз к1анзава икрам ийиз дидейриз,
И чилерал малаикрив рахазвай.
Сагърай лугьуз, намус хвейи дидейриз.
Зам-зам яд хьиз, куь экуь руьгь аквазва!
Секина. Дидедиз
© Copyright: Магомед Мирзоев Мирзой, 2024
Свидетельство о публикации №124111905987
Свидетельство о публикации №124111905987
Рецензии