44-2

Яд къубуда дегьнедава,
Дегьнедава дуьгуьм-дуьгуьм.
Яр айвандал къатканава,
Къарагъ лагь т1ун, я севдуьгуьм!
(Яр айвандал къатканава,
 Ви пелез кьий, чан севдуьгуьм!)

Устулдал-лай харад ксе
Юлдашдивди дегиш хьана.
Зунни зи яр рахадайла,
Залум диде дуьшуьш хьана.

Чун гамунихъ ацукьайла,
Экв аватай аха пенжер,
Вуж ят1а (а)кваз килигайла,
Заз хъуьрена катра вилер.

Ви буйдиз кьий, буйдал шумал,
Шумал буйдиз кьий, гуьзел яр.
К1анда лугьуз алдатмишна,
Уьзуькъара хьуй, гуьзел яр.

Шагь- дагъларай шагьвар къведа,
Мармардин къван сиве кьуна.
Чи яр к1андай ченги къведа
Садакьаяр хиве кьуна.

Зун и пата, вун а пата,
Къизил керпич арабада,
Вил вегьена килигайла,
Касни амач харап1ада.

Кьакьан синел вад айванар,
Вад айванар гар галаз хьуй.
И дуьньядал жедай вад югъ
Рик1из к1ани яр галаз хьуй.
(Агъадихъай экъеч1ай рагъ
Гар галаз хьуй, гар галаз хьуй,
Дуьньядал жер вад къан уьмуьр
Рик1из к1ани яр галаз хьуй).