Къаварилай къаваралди,
Къаварал-лай къизилдин къуш;
На чи жигер гьикьван куда,
Къизилгуьлдин ни галай руш?
Стулдал-лай чинид шуьше
Гъил галукьна хаз тахьуй, яр!
Зун ахварай акур бере,
Гъил вегьена кьаз тахьуй, яр!
Кьакьан синел гьик1 акьахда,
Пеле (а)кьадай гар авачиз?
Зун чи хуьруьз гьик1 хъфида,
Рик1из к1ани яр авачиз?
( Ч1ур хьай хуьруьз гьик1 хкведа
Рик1из к1ани яр авачиз?)
Чи хуьрелай ч1угур пару
Къеледилай кьакьан хьана.
Булахдал-лай алагуьзли,
Ви гъилелай яд к1ан хьана.
Халадал-лай яру перем,
Халад хуруз хар акъатди;
Къвез къаршидал заз килигмир:
Хуьр ч1уруд я,- т1вар акъатди.
Зун к1евелай гьавадава,
Я кьефесда хвей вили лиф.
Са явадин гъиле гьатай
Зи цуькведин уьмуьр гьайиф!
Ярди ягъай са къирмажди
Зи къене-вай рик1 ат1ана;
Ви ширин ччан гуьлледи куй
Ви гъил залди гьик1 атана?
44. Ашкъидкай ва дердинкай
© Copyright: Магомед Мирзоев Мирзой, 2024
Свидетельство о публикации №124111806826
Свидетельство о публикации №124111806826
Рецензии