Къурбан сувар вуч ят1а квез чидани?
Чи гьар са кам АЛЛАГЬДИЗ къурбанд хьурай,
Чаз виридаз женнеттар жегъидани,
АЛЛАГЬ рик1ел алайдаз суваб хьурай.
Чун буржлу я халкь авурдаз и дуьнья,
Рагъ пакамаз экъеч1зава гьар юкъуз,
Бисмиллагь чи сивяй адаз лугьун я,
Икрам ийиз, кьил авуна чи агъуз.
Куьн аллагьди хуьрай вири инсанар,
К1валерани хьурай ч1ехи берекат,
Сагъвал аваз хьурай виридан чанар,
Аллагь квелай хьурай рази, аманат.
Четинвални тахьурай куь рекьера,
Квез виридаз регьят хьурай гьар са югъ,
Гьар са карни АЛЛАГЬ аваз рик1ера,
Вилик фирай, ам ят1а адан буйругъ.
Къурбан сувар
© Copyright: Сельмина Курабекова, 2024
Свидетельство о публикации №124111707434
Свидетельство о публикации №124111707434
Рецензии