(Мани)
Дарих жемир, гуьзел суна,
Ви дердинин дарман я зун.
Бахтунин сир гана вуна,
Ви хиялрин мугьман я зун.
Припев:Зи шадвилин дамах я вун,
Муьгьуьббатдин булах я вун,
Шад гьиссерин даях я вун,
Зи рик1икай уях я вун.
Цуьк акъатай гуьзел дере,
Багъишда ваз, зи к1аниди,
Хабарсуз вун гьатнай рик1е,
Кьисмет хьана, к1ан хьайиди.
Припев виликанди:
Дарих жемир , авач себеб,
Гуьзел я чаз ганвай девран,
Ачуха заз рик1ин метлеб,
Чи дагъларин гуьзел жейран.
Припев виликанди.
Гъил гъилеваз фин бахтунихъ,
Дарихвилиз мажал тагуз.
Ихтибармир и вахтунихъ,
Уьмуьр гьалин мани лугьуз.
Припев виликанди.
14.11.2024.
Дарих жемир
© Copyright: Нажмудин Шихнабиев 2, 2024
Свидетельство о публикации №124111506506
Свидетельство о публикации №124111506506
Рецензии
