Араб дир лъимирлъи, ч1алг1ун вуго духъ,
Ч1алг1ун вуго росдал ихдалил бакъухъ,
Вуго ч1алг1арилев лъарал мухъазухъ,
Муг1рузул т1огьазда щинк1улеб моц1рохъ.
Араб дир лъимирлъи, ч1алг1ун вуго духъ,
Ч1алг1ун вуго лъалел росдал нухазухъ,
Вуго ч1алг1арилев к1одол рукъалъухъ,
Рукъзалц1ун рук1арал яца-вацазухъ.
Араб дир лъимирлъи, ч1алг1ун вуго духъ,
Ч1алг1ун вуго росулъ камунщиназухъ,
Вуго ч1алг1арилев арал къоязухъ,
Къваридго нилъ тарал хехал саназухъ.
***
© Copyright: Адам Дагчеч, 2024
Свидетельство о публикации №124111506446
Свидетельство о публикации №124111506446
Рецензии