Мостовойдин рехъ вилив хуьз,
Вилер ишигъ тухвая хьи!
Вун курсарай хкведалди
Къеневай рик1 ц1рая хьи!
Чун пенжердай килигайла,
Гьисарда*-вай лацу мектеб.
Вун яшамиш хьуй гьукумат,
На дуьнедиз къалурна экв.
*Мегьежарда, чахчахра авай.
Курсарай гъай латин китаб
Ам к1евелай хвена к1анда.
К1елиз-кхьиз чир жедайвал,
Ликпунктариз фена к1анда.
Гила (э)цигай ц1ий мектебар
Эрч1и пата шкаф ава.
Чи мектебар к1вачел гъайи
Заведишдиз вуч гаф ава!
Сал рагариз килигайла
Автобусар къуша-къуша.
Ихьтин мурад жагъайд туш квез,
Къарагъ, вахар, куьн к1елиз ша.
117-2
© Copyright: Магомед Мирзоев Мирзой, 2024
Свидетельство о публикации №124111502309
Свидетельство о публикации №124111502309
Рецензии