Яру-яру рангунин цуьк,
Яру цуьквер алай чуьллер.
Стахановчияр я чун-
Диде, хва, руш- вири элллер.
Яд вилид я, яд вилид я,
Гегьенш майдан куьд я, гьуьлер.
Пароходдай кьуд патахъди
Килигда чи ярдин вилер.
Суна, вуна муштулух це:
Яр гьуьлерал пагьливан я.
Вичин юлдаш матросариз
Адан хатир гзаф к1ан я.
Яшамишрай вун, Папанин,
Кич1 авачир кьегьал я вун!
На къалурай а гьунарри
Кьадарсуз шад авуна чун.
Яшамиш хьай чи геройри
Яру пайдах хкажнава.
Америкадиз лув гана фей
Чкаловар хтанава.
Чун атанвай Москов шегьер
Цуькведивди диганава.
Чи ватандин игит халкьар
Выставкадиз атанава.
Алатна фей дегь заманда
Чаз Москов шегьер акунач.
Авадан я чи выставка
Клигналди гьич тух жедач.
Выставкада авай девлет,
Авай девлет чешнеяр я.
Ина авай багьа зат1ар,
Чи чуьллерин сечмеяр я.
116-8
© Copyright: Магомед Мирзоев Мирзой, 2024
Свидетельство о публикации №124111403784
Свидетельство о публикации №124111403784
Рецензии