Багъда къелем илигзавай,
Илигзавай, я колхозник.
И гьукумат вид я гила,
Кесиб стха, кутук вилик.
Чи колхоздин къацу багълар
Цуькверивди ац1анава.
Ударниквал къачуд лугьуз,
Итимни паб сад хьанава.
Ни к1валахда, - неда буллух;
Ни к1валахдач, - чакай кьулухъ!
Далда квачир куьгьне алух
Чавди кьадач, - чакай кьулухъ!
Эгер тенбел хьайит1а зун,
Негь хьурай, дуст, вири элдиз;
К1валах дак1анди душман я,
Кьуна вегь ам къайи селдиз.
Ваз дидедин нек гьалал я,
Ччан газетра т1вар авай хва!
Стахановчи яз уьтквем,
Чешне къалур кар авай хва.
116-7
© Copyright: Магомед Мирзоев Мирзой, 2024
Свидетельство о публикации №124111402403
Свидетельство о публикации №124111402403
Рецензии