Чи майдандал телдин симер
Къаз фонарар куьк1уьрнава.
Чи рик1е мад хиял авач,
Ц1ийи дуьнья туьк1уьрзава.
Гьар са хуьре расна клуб
Къалурзава театурар.
Яшамишрай чи заводар
Акъудзавай тракторар.
Шегьердавай электрик,
Экв аватна хуьруьн вилик;
Чаз кесибриз жигъидайни,
Ик1 регьятвал идлай вилик?
Фабрикара хразава
Пеш алачир ч1улав дере.
Вуч гаф ава гьукуматдиз,
Абадзавай дагъни дере!
Гьар патахъди тухванавай
Телефондин вили симер.
Телефондай рахазава,
Мубаракиз ша фин, эллер.
116-2
© Copyright: Магомед Мирзоев Мирзой, 2024
Свидетельство о публикации №124111206461
Свидетельство о публикации №124111206461
Рецензии