Пулёмётдай ягъай гуьлле
Гьар патахъди чук1урзава,
Къизил аскер ви гуьлледи
Душмандин рик1 ат1узава.
Кьулан вац1уз к1ук1 лекъве-ваз,
К1ук1 лекъве-ваз къвада харар.
Душманарин кьилер ат1ай
Яшамишрай партизанар!
Ичин ттарар са жергеда,
Са патахъди ян ганавай.
Чи партизан юлдаш кьена
Гьукуматдихъ ччан ганавай.
Дуванханад варци вилик,
Варци вилик фур ат1ана*.
Вад виш къазах галаз атай
Шахшабегез* сур ат1ана.
* И бенд ик1ани лугьузва:
Пекд ц1илинал къугъвазавай
Пагьливандин ц1ил ат1ана.
Вад виш къазах галаз атай
Шахшабеген кьил ат1ана.
* Деникинан къазахар авайла,
Кюре округдин начальник Шахшабег
114. 3
© Copyright: Магомед Мирзоев Мирзой, 2024
Свидетельство о публикации №124111202795
Свидетельство о публикации №124111202795
Рецензии