Лацу читдал къацу пешер,
Къацу пешер илигзава.
Аферин хьуй советариз
Гьар са кардиз килигзава!
Вуч гаф ава чи райондиз,
Шуьк1уь рекьер уна гьяркьуь.
Вун яшамиш хьуй гьукумат,
Буьркьуь вилер уна экуь!
Цавар рахаз къвадай марфар,
Ч1улав ччилер яд авуна.
Яшамишрай чи гьукумат
Вири халкь азад авуна!
Вун яшамишрай гьукумат!
Акуна чаз дуьнедин дад.
К1енибуруз физ жедайла,
Гьукуматдал хьана чун шад.
Чи гьукумат яшамишрай
Буьркьуьбуруз дуьне къалай!
Душманар чи барбат1 хьурай
Кьац1ай мурдар крар гавай.
113. 3
© Copyright: Магомед Мирзоев Мирзой, 2024
Свидетельство о публикации №124111008154
Свидетельство о публикации №124111008154
Рецензии