Татархандин хуьруьнни К1ахц1угърин сергьятдал са хъархъун
ттар алай. Ибру и ттар чпинди я, абру чпинди я - лугьуз,
ибрун дявеяр хьанай кьван. Эхир Татарханд хуьруьнбуру и
ттар, са йифиз фена, к1ус-к1ус авуна кук1варна.
К1ахц1угъри и ттар амачиз акурла:
- Алад,фена килиг, а ттар гьик1 хьанат1а аку!- лагьана
итимар ракъурна. Ибрукай сифте сергьятдал агакьайда:
- Ттар к1ус-к1ус авуна, ттар к1ус,- лагьана гьарайна.
Кьулухъай къвезвайбру адавай жузуна:
- Яда, гьик1 хьана? Вуч, вуч?
- Ттар к1ус-к1ус авуна, ттар к1ус,- лагьана ада.
Ахпа са кьадар вахтундлай гьанал маса хуьр бина хьана ва а
хуьруьн т1варни "Дарк1ушар" хьана.
(Кьурагьай, юкьван школадин учитель, 50 йиса авай
Ибрагьимов Ибрагьимавай кхьейди я. Ноябрь - 1940 йис).
88. Дарк1ушар
© Copyright: Магомед Мирзоев Мирзой, 2024
Свидетельство о публикации №124110803534
Свидетельство о публикации №124110803534
Рецензии
