87. Лукьманал-гьаким

Чав агакьай хабарриз килигна, лугьуда хьи, къадим заманда               
Лукьман т1вар алай кас хьана. Ам аял вахтарлай башламишна               
вичин уьмуьрдин эхирдал къведалди гзаф мублагь ч1урарал,                гур тамарал рик1 алаз, гьанра жедай кьван. Ахпа хпер кутуна               
вичин кьил хуьз хьана. Лукьманан хпен суьруьдихъ галаз               
жейранрини вякь недай. Жейранри, чеб вагьши гьайванри телеф               
ттавурай лугьуз, Лукьманаз хийир гуз, адан суьруьда яшамиш                жезвай.
 Лугьуда хьи, ада къаркай са йикъуз вичин суьруь са хам                ч1урал гьална. Са т1имил вахт арадай фенамаз, акуна хьи               
хперин, жейранрин суьруьйрикай са-сад, кьве-кьвед, вад-вад               
гьайванар рекьиз телеф жез хьана. Лукьманаз и кар гзаф дак1ан                хьана, ам туькьуьл хиялдик акатна. Гзаф перишандиз къарагъна                вичин суьруьдин мукьув фена, деринрай агь аладарна:
 - За вуч ийин, гьайванар, завай квез вуч дарман жеда,-               
лагьанамаз, к1вечик квай векьери, инсандин ч1алалди рахана,                лагьана: "Чун зегьерлу векьер я. Тядиз вуна ви суьруь и                ч1уралай алудур".
 И ван хьайила Лукьмана вичин суьруь и ч1уралай алудна.               
Амай сагъ гьайванар саламатдиз хвена.