И дуьньядал чи шад уьмуьр,
Туьк1уьр хьанва легьзейрикай,
Лезет къачу, диде-буба,
Сагъ вахтарин берейрикай!
Йикъар-йифер акъатзава,
Йисарни къвез алатзава,
Анжах мекьер агатзама,
Вун галачиз,чи чан буба.
Пешер вегьей тар хьиз зулуз,
Дидени гил хьанва ялгъуз,
Жегьилзамаз,вун ик1 вахтсуз,
Куьз галатна, масан буба?
Ви шикилдиз тамаш ийиз,
Ви сесинихъ къекъвезва чун,
Азиз буба, вун амачиз,
Рик1 сефил яз, ишезва чун.
Ви бахчадин къелемар къе,
Яваш-яваш жезва еке,
Вун гьамиша жеда рик1е
Ви балайрин, жаван буба!
Секина. Вун чахъай галатна буба
© Copyright: Магомед Мирзоев Мирзой, 2024
Свидетельство о публикации №124110703974
Свидетельство о публикации №124110703974
Рецензии