111. Киров кьейила

Магьач-къалад радиодай
Гайи хабар гьик1 атана!
Киров юлдаш кьена, лугьуз,
Чи къеневай рик1 ат1ана!

Цавай фидай пуд вили лиф
Сталинан к1вализ илиф.
Кесибариз азадвал гай
Киров юлдаш рекьиз гьайиф!

Киров ягъиз гьазур хьайи
Чи душмандин ат1ай кьве гъил.
Душман гъиле гьатнамазди
Кьуна(а)къудна адан кьве вил.

Чаз слобод къачур юлдаш
Вун къав алай сура хьана.
Киров кьейи ван хьайила,
Эллерин кьил хура хьана.

Москов шегьер аквазавай
Я бахтавар яд авай гьуьл!
Кабинетдай экъеч1дайла
Вал атана душмандин гъил.

Ваз Первы-май мубарак хьуй,
Ччан рик1 алай ч1ехи регьбер!
Киров кьена тел хтайла,
Шез митингдал фейи эллер.

Яшамишрай чи колхозар,
Колхозравай ударникар.
Чи хуьре са колхоз ава,
Адал ала Кирован т1вар.

Я Московдай хтай вахар,
Московда вуч хабар ава?-
Чи Кирован канциларда
Яру пайдах хъиянава.

(Институтдин материалрикай я.
Ибрукай гзафбур Гаджиев Мегьемеда
кхьейбур я).