Крыніца гаманлівая
Над Нёманам спявае.
Як дзеўчына руплівая,
Калі вянок звівае.
Крыніца, ты гаючая,
З вадзіцаю жывою.
Вякамі ты кіпучая
З павадкай агнявою.
Крыніца, ты бруістая,
Як жвавая дзяўчынка.
Крыштальная ды чыстая,
Бяжыш без перапынку.
Крыніца срэбраводная,
Дачка зямельцы роднай.
Свавольніца свабодная,
Табе сяброўкай годнай.
Крыніца – неба аркаю
Над светлаю вадою.
Зімой і ўлетку шпаркая...
Будзь вечна маладою!
Крынiца гаманлiвая
© Copyright: Татьяна Цыркунова, 2024
Свидетельство о публикации №124110401959
Свидетельство о публикации №124110401959
Рецензии