Ахцегь район чил я чи лувар алай,
Луварални тарихдин гьунар ала!
Ахцегь район гъил я чи туп1ар алай,
Гьар са туп1ал нур вигьиз мунар ала!
Чи пак дагълар шагьидар я виридан,
Чун иес я, сад Аллагьди гайидан,
Гьуьрмет хуьзвай ч1ехиданни гъейридан,
Шарвилидин геле авай Ахцегьар!
Гьар са хуьрел руьгь шад жедай т1вар ала,
Гьар са т1варц1ел баркалладин пар ала,
Гьар са варцел нехишар санбар ала,
Къуй дибер чи рик1е хьурай, Ахцегьар!
Ван ацалтна авахьзава Самурд(ин) яд,
Хуьзва вичин абурни гьак1 ширин дад,
Хьайит1ани кьве патахъди дере пад,
Гьахъвилин гъил-гъиле авай, Ахцегьар!
Дагълара чи хуьрер ава лекьер хьиз,
Гьар утагъдал рутьгьер ала сирер хуьз,
Гьарп са тарал ичер ала рик1ер хьиз,
Тарифдин кар вине хьурай, Ахцегьар!
Секина. Ахцегьрин район
© Copyright: Магомед Мирзоев Мирзой, 2024
Свидетельство о публикации №124110305730
Свидетельство о публикации №124110305730
Рецензии