МЕХЪЕР МУБАРАК
Алад вири чамран вилик!
1куплет
Рик1ера аваз эквер
Чи к1вале ава мехъер,
Свасни я чи пара иер.
Бахтунай к1вал ац1урай,
Девлет, берекет авай,
Рик1ера шадвилер хьурай.
Атанва к1вализ мехъер,
Бахтлу яз жегьил рик1ер ,
Квез мехъерар мубарак.
Шадвили гатайла рак,
Лувар акатнава чак,
Виридаз мехъер мубарак.
ПРИПЕВ 2 раза
Алад вири чамран вилик
Ц1ийиз гъанвай сусаз килиг,
Шад жедайвал балайрин рик1,
Диде, буба ша куьн кьуьлюник.
2 куплет
Вилера нурар аваз,
Рик1ера бахтар аваз,
Жегьилар куьн акурай чаз,
Сад садаз ширин хьана,
К1анивал дерин хьана,
Рушарни, гадаяр хьана.
Атанва к1вализ мехъер,
Бахтлу яз жегьил рик1ер ,
Квез мехъерар мубарак.
Шадвили гатайла рак,
Лувар акатнава чак,
Виридаз мехъер мубарак.
Селминат Курабекова
Песня с этим названием уже в ютубе.Наберите МЕХЪЕР МУБАРАК гр.Нур.Исполняет талантливый солист группы ФАРХАД АБДУРАХМАНОВ
Мехъер мубарак
© Copyright: Сельмина Курабекова, 2024
Свидетельство о публикации №124110300495
Свидетельство о публикации №124110300495
Рецензии