Ахъайзава хтулди заз,
Хер хьайивал сифтедай.
-Гьар жуьредин кьушунарин
Къвезвачир чун вягьтедай.
Цаварани, къушар хьтин,
Элкъвезавай "къузгъунар",
Сада садан як1ар недай,
Акьул кьери азгъунар.
Са десте чун фенай йифиз,
Душмандин фур малумиз.
Чир авуна хъсандаказ,
Гьазур хьанай гьужумиз.
Гук1варна пай, амукьайбур
Кьунай чна есирда.
Экв жедалди, жуван патаз,
Фад-фад хтун, фикирна.
"Къузгъунарни" аквазвачир,
Йифни гьеле мич1измай,
Мукъаятдиз хтанай чун,
Са виш кьадам рекьиз кьван.
Гьинай, чидач, чир хьанат1а,
Гурлу са сес акъатна,
Лашуналди ягъайди хьиз,
Са фуруз зун аватна.
Жув жувалди хтай ч1авуз,
Хутахзавай юлдашри,
Есирарни терг авунай
Чпинбуру, к1амашри.
Азарханада 3
© Copyright: Магомед Мирзоев Мирзой, 2024
Свидетельство о публикации №124110304571
Свидетельство о публикации №124110304571
Рецензии