84-8. Къази Гьасан ва факъир Али

 Садлагьана къаравушзи атана лагьана:
 -Ханум, агъа ваз, муштулугъ заз- агъа хтана.
 Ханумзи къазидвай пул къахцуна, хвеши хьана вичин
хездин курт къаравушдиз пишкешна. Къаравушзи, хъуьрез-
хъуьрез, кьуьл ийиз башламишна. Факъир Алини, гзаф
шад хьана, кьуьл ийиз агуч1на, ханумзи кьуьл ийиз
башламишна; къази Гьасанани, вичивай вич кувахьна,
кьуьл ийиз башламишна. Ин вахтунза ханумзи вири
акъвазарна лагьана:
 -Эй къази буба, къаравушзи кьуьл ийизва, вичиз хездин
ккурт хьана лугьуз; ин факъирзи кьуьл ийизва, вичин
кьуд виш манат пул яхкьуна лугьуз; за кьуьл ийизва,
зи гъуьл хтана лугьуз; бес вуна вушиз кьуьл ийизва-а-а?
 -За гьин вун хьтин гьаясуздин фендинкай гьик1 сагъ-
салаимат къутармиш хьана лугьуз, кьул ийизва,-
лагьана къазиди.
 Къази Гьасан перт хьана амукьна, факъир Али шаддаказ
вичин папан патуг хъфена.  Масадбуру вад манат
югузвайт1а, анда ц1уд манат югана вичин паб гьамамдиз
ракъурна.
 
(Дукъкъузпара райондин Миграгъви 60 йиса авай
к1ел-кхьин тийижир Къазимбег исадвай Гаджиев
Агъалара кхьейди я. Октябрь-1940 йис.)