84-7. Къази Гьасан ва факъир Али

 Экв хьайинагъ, ханумзи Ализиз ва вичин са къаравуш-
зиз лагьана:
 -Эй факъир, зун къази Гьасанан патуг фейнагъ,
са вад декьикьадлай вуна атана адаз лагь:
къази буба, за вал са гъвеч1и аманат тапшурмиш-
най гьа, ам гехце кван.Мад са вад декьикьа
алатайла, къаравушди атана заз хабар гурай:
ханум, агъа- ваз, муштулугъ- заз, агъа хтана,
лагьана. Ахпа за адаз зи хездин ккурт гуза,
ада кьуьл урай, вунани кьуьл ая.
 Им агъзур манат пулни къацуна къазидин патуг фена.
 -Саламалейкум, къази буба!
 -Ва алейкумассалам, ханум, ша ацукь!- лагьана
къазиди.
 -Къази буба, зун савдагар Регьиман паб я, ругуд
варз я ам тижаратзин мал гъиз фена. Ада заз
лагьанай: ругуд вацралди зун тахтайт1а, зун гзаф
яргъал чкайриз акъатирвал я; вуна ин зи агъзур
манат пул къазидал тапшурмиш ая. Ин пул вал
аманат я, мад валай иман авай кас ин жи шегьерза
аваш,- лагьана ханумзи пул къазидиг ягана.
 Гьин араза Ализи атана лагьана:
 -Ччан къази буба, за вал са гъвеч1и аманат тапшур-
мишнай гьа, ам гехце кван.
 Къазидиз кьуд виш манатдилай агъзур манат хъсан
акуна: "Гьей ччан хва, гьан вуна югайвал амазма,
ма къахцу",-лагьана, яхгана.