Гъиле кьуна за лацу чар,
Хиялдаваз зи к!ани яр,
Рик1яй къвезва шиирдин ц1ар,
Къизгъинариз ашкъидин зар.
Чан ширинди, ша зи патав ,
Гъил кьуна зи, ацукь къвалав,
Муьгьуьббатдин рик1е ялав,
Куьк1уьнара, гана къилав.
Дердер куда ашкъидин ц1ал,
Теменрин хар къурда за вал,
Уьмуьр фирай алаз шад къал,
Легьзе тахьуй гьич ядай хал.
Рик1е хьурай ширин гафар,
Цуьк акъатай хунча гатфар,
Кьенер гьалдна, гурай бахтар,
К1анид галаз фирай вахтар.
01.11.2024.
Заз к1аниди
© Copyright: Нажмудин Шихнабиев 2, 2024
Свидетельство о публикации №124110100518
Свидетельство о публикации №124110100518
Рецензии