Бязибуру гагь-гагь завай жузазва:
-Гьи уьлкведай лув ган атай къуш я вун?
Акунариз турчанка хьиз аквазва.
За лугьузва: -Зи бубадин руш я зун!
Малаикдиз ухшар авай бадеди,
Шехьиз твадай вичин чими къужахда,
Лугьудай:- Вун хтулдиз ухшар я чи.
За лугьудай:- Гьа бадедин руш я зун!
Са сеферда эгеч1на, милаимдиз,
Вичин ч!алал, губденка паб, суьгьбетиз.
Адаз ак1 тир: зунни вичиз мукьва хьиз.
За лугьузва:- Дагъустандин руш я зун!
Гьар бахчадин тарал алай хилерин,
Мумкин я квак хьунухь бязи ичерик,
Тахсир туша тар цанавай гъилерин.
За лугьузва:- Лезги багъдин къуш я зун!
Чун инсанар къекъвезва са чилелай,
Са рагъ, са варз аквазва чаз кьилелай,
Яру иви физва зи-ви рик1ерай.
За лугьузва:- Гьар са миллет хуш я заз!
Секина. Зун лезги руш я
© Copyright: Магомед Мирзоев Мирзой, 2024
Свидетельство о публикации №124102905715
Свидетельство о публикации №124102905715
Рецензии