Гегьенш дуьнья дар тир вахтар
Чи рик1елай фидач, диде!
Яшамишрай чи Сталин,
Яратмишай ц1ийи дуьне!
Ч1улав цифер аладарур
Ччан гьунарлу рагъ Сталин!
Ви са къакай агъзур йис хьуй,
Ччан алмасдин дагъ Сталин!
Рагъ авачир югъ - мич1и сур,
Рагъ - диривал, гъетер - мешреб.
Ччан Сталин, вун рагъ я чаз
Туьк1уьрай чи мурад, метлеб.
Гзаф пашман шехьай чуьнгуьр
Мад шехьзамач, хъуьрезава.
Сталиназ мани лугьуз,
Ашукь ширин рахазава.
Шад рик1ивди къугъвана за
К1ват1на багьа-багьа цуьквер,
Чи рик1-жигер, ччан Сталин,
Вал ала чи халкьдин вилер!
Дагъустандин турпахдал на
Кам къачурла, цуьк акъалтна.
Ваз баркалла, бахтун булах,
Вун атана циф алатна!
Дагъустандин дагълу халкьар
Ви рекье къурбанд я, буба,
Ву атана - рагъ атана!
Безетмишна чи хуьр, уба.
106-3. Бендер
© Copyright: Магомед Мирзоев Мирзой, 2024
Свидетельство о публикации №124102902321
Свидетельство о публикации №124102902321
Рецензии