Зал аквадай цавар хьтин,
Битавнавай гъетерив,
Тухвана зи фикир вичел,
Нур гузавай вилери.
Катра кьве вил кьве хат хьтин,
Килигзавай арадай.
Галайбурув гекъигайла,
Аял хьтин аквадай.
Эхиз тежез куьтягьдалди,
Цацарал хьиз алк1ана.
Вишералди фагьум-фикир
Зи келледиз атанай.
Гьар са кардихъ, тариф алай,
Эхир хьайт1а хъсан я.
Жуван са кас и тегьерда
Акур ч1авуз - залан я...
Эхир гьатна къужахра чун,
Каш-мекь ийиз ацукьна,
Лап йиферин кьуларалди,
Зунни гьана амукьна.
Хьайит1ани бала ч1ехи,
Аял хьиз ваз аквада.
Чанар ягъиз, хатур ийиз,
Аялдив хьиз рахада.
Жуна акваз, элцуькнавай,
Жува-жуваз кьасзавай.
За гьик1 лугьун идаз аял,
Аскердин либасзавай.
-Им кьвед лагьай хер я,-лугьуз,
Зарафатдив рахазвай.
Къалур тийиз вичин гьалар,
Адан т1ал заз аквазвай.
Азарханада-2
© Copyright: Магомед Мирзоев Мирзой, 2024
Свидетельство о публикации №124102805830
Свидетельство о публикации №124102805830
Рецензии