Чун азад тир рекье гьатна,
Душманар чи ттуна к1еве.
Сталина къалурай рехъ
Вири халкьди кьуна гъиле.
Гьелбетда а хаинарин
Пехилвилин вил ала чал,
Сталин вич акьул дерин
Гьа юлдашдин гъил ала чал.
Йикъалай къуз гьадан куьмек
Юлдашдин багъиш ава чаз,
Фагьум, фикир, акьул зирек
Артух яшайиш ава чаз.
Сталина расай пайдах
Къизилдикай зар алайд я.
Чи комунист партиядал
Сталинан т1вар алайд я.
Яшамишрай чи Сталин
Вацра хьиз ишигъ гузавай!
Кар гъиле-ваз ч1ехи, кьилин
Халкьдиз хуш къилих гузавай!
Къизил мукал гъиле кьуна
Чун кьилал-лай ник1е ттуна.
Яшамишрай чи Сталин,
Чун азад тир рекье ттуна!
Тракторар са жергеда,
Цанавайбур ч1улав ччилер.
Яшамишрай чи Сталин
Чаз къалурай азадвилер!
Сталин, я вун чи регьбер,
Къалурна чаз ачух рекьер,
Совет власть хьайилахъди
Чаз хьанава ихьтин эквер.
106-2. Бендер
© Copyright: Магомед Мирзоев Мирзой, 2024
Свидетельство о публикации №124102804880
Свидетельство о публикации №124102804880
Рецензии