84-3. Къази Гьасан ва факъир Али

Къазиди ибрувай хабар къуна:
 -Вичинзи вуш дяве я?
 Къариди, чинеба къазидиз са пуд манат пулни гана,
лагьана:
 -Ччан къази буба, вуна жи шариатза авайвал гьахъ-
дуван ая. И къадар ч1авалди за идаз пабвал авуна,
гила им зун хкъун тавуна вичин хуьруьз хъфизва;
зи т1алакьар яхгана хъфий.
 -Им ви паб хьайнагъ, т1а вуна индан т1алакьар
хугузваш?-лагьана къазиди Алидвай хабар кьуна.
 -Къази Гьасан, вун сагърай, зун маса шегьерзай я,
заз ин паб я акурзи туш, я чирзи туш,-лагьана Алиди.
 -Зун хкъун тавуна ам хъфейт1а,-лагьана къариди,
-садани, зун т1алакьзик кма лугьуз, къахцурвал туш,
бес зи язух тушни?
 -Хъягъ, ччан хва,-лагьана къази Гьасана,-ам са
аллагьзин бендези къахчурай, адан язух я.
 -Я ччан къази буба, зи т1алакьзик квачирзи за гьик1
хкъуза?-лагьана факъир Алиди.
 -Ви т1алакьзик квачирт1а, ам вал нагьакь гьалават
жечир.
 Эхир Алиди кканз-такканз, вичин паб тушт1ани, мажбур
хьана: "Са т1алакь, кьве т1алакь, пуд т1алакь...
Дидеза темягь ама, ваха темягь ама, ва зу темягь амаш",-
лагьана адан т1алакьар яхгана.
 -Килиг, къази буба, ада зун вичин паб туш лугьузвай,
бес паб туширнагъ, т1а хкъана? Хъсан фикир це, ччан
къази буба, зун адан паб тирзи за ваз мадни субутда.
Адан жибинда виш манат сагъ манатар, виш манат зур
манатар, виш манатни абасияр ава, ан пул зуди я,
инанмиш тушт1а экъуьгъ,-лагьана къариди.
 Къази Гьасан экъвейнагъ, гьин къариди лугьур гьал
Алидин жибинзай пул ахкъатна.
 -Гила субут хьанани им зи гъуьл тирди?- лагьана
къариди.
 -Хьана, хьана, ччан руш,-лагьана къази Гьасана.
 -Гьила зи пул заг яхгурай,-лагьана къариди.
 Факъир Алиди, чара акъалт1на, лагьана:
 -Ччан къази буба, сивиз кьей къази буба, за пул
гьисаб ирнагъ, ин къари зи виликай атана хъфенай,
адаз акуна, гьануз килигна ам зал нагьакь гьалават
хьанвайди я.
 -Лемрен хва киц1, ам ви паб хьунухь субут хьана
зу патуг, гехце адан пул, лагьана, къазиди пул
къахцуна къаридиг яхгана.