Шегьердин азарханадиз
Акъатнай са сеферда,
Ацукьнавай, битав хьана,
Аскерар са тегьерда.
СВО-дин дяведавай,
Хирер хьайи кьегьалрин,
Гуьгьуьл къачуз атанвай чун,
Жавабар гуз суалриз.
Залан хирер алайбурун
Кьадар ина бегьем тир:
Гекъигайла жуван гьалар
Масадбурув, мягькем тир.
Гьар жуьредин авай ина
Яшар хьайи, тахьайбур.
Фикирна за: "Чи зегьметар
Яраб ят1а гьавайбур.
К1вачер квачир аскердиз, лагь,
Куьз герек я шиирар?
Къудур хьана атанвайд я
И сегьнедал шаирар".
Амма вилер ишигълу яз,
Килигайла сегьнедиз,
Аватна зун, и гьал акур,
Шииратдин дегьнедиз.
Ялав хьана акъатзавай
Шиир хурай, ц1ар хьана,
Жувакайни лукьман ийиз,
Рик1ни т1имил т1ар хьана.
Азарханада-1
© Copyright: Магомед Мирзоев Мирзой, 2024
Свидетельство о публикации №124102708074
Свидетельство о публикации №124102708074
Рецензии