Заз к1ан я яр, вун багъишай гъуцариз,
Гьар са йикъуз виш сеферда алхишиз,
Заз к1ан я яр, ви хурал кьил эцигиз,
Муьгьуьбатдив ац1ай рик1 ваз багъишиз.
Вун галачир мехъерик зааз сефил я,
Зи к1анивал гьуьлерилай дерин я,
Вун галачир шекерни заз туькьуьл я,
Сад Аллагьди багъишнавай к1ани яр!
Вун зи рик1из дуьньядилай багьа я,
Мич1и йифиз заз экв гудай лампа я,
Вун галачир гьар са югъ заз суза я,
Зун тек тамир, ваз зи патай туба я.
Секина. Уьмуьр к1андач вун галачир
© Copyright: Магомед Мирзоев Мирзой, 2024
Свидетельство о публикации №124102605455
Свидетельство о публикации №124102605455
Рецензии