84. Къази Гьасан ва факъир Али

Эвел заманда хьана са кесиб кас; идан ттварни хьана
Али. Идаз са пара гуьзел са паб аваз хьана.Къаркай
са къуз ин паб куьчедиз акъуч1на килигайт1а, вичин
таяр-туьшер фургъунар гьазурна гьамамдиз физва.
 -Къваз, ччан вахар, за фена гъуьлуьвай пул къацуна
хуькъвеза, зунни чвех галаз къвеза,- лагьана, им
вичин гъуьлуьн патуг хтана.
 -Ччан гъуьл,- лагьана ида,- зи таяр-туьшер вири
гьамамдиз физва, вуна заг пул геце, зунни абрух
галаз физа.
 -Захъ пул аваш, я паб, за фена зи ярар-дустарвай
пул къацуна ваг югуза,- лагьана гъуьлуь.
 Алиди фена вичин ярар-дустариз лагьайнагъ, абру
им кесиб я лугьуз, пул яхкьун тейиз кич1ез, яганаш.
Элкъвена хтана вичин папаз лагьана:
 -Заг са кепекни якьунаш.
 -Зи таяр-туьшер вири гьамамдал фейнагъ, зун вушиз
к1вале амукьза, зун абрулай алчах туш хьи.
Ак1 хьайнагъ, зун вак къваздаш, зун къазидин патуг
фена ви т1алакьдикай хкъуч1за,- лагьана папа.