Молитва о покровительстве вступающим в брак

СВЯТЫМ БЕССЕРЕБРЕННИКАМ И ЧУДОТВОРЦАМ КОСМЕ И ДАМИАНУ, СКОРЫМ ПОМОЩНИКАМ
И ПОКРОВИТЕЛЯМ ВСТУПАЮЩИХ В БРАК.
К вам, святии безсребреницы и чудотворцы Космо и Дамиане, яко к скорым помощником
и тёплым молитвенником о спасении нашем мы, недостойнии, преклонше колена,
прибегаем и припадающе усердно вопием: не презрити моления нас, грешных, немощных,
во многая беззакония впавших, и во вся дни и часы согрешающих. Умолите Господа,
да пробавит нам, недостойным рабом Своим, великия и богатыя Своя милости: избавите
нас от всяеия скорби и болезни, вы бо прияли есте от Бога и Спаса нашего Иисуса
Христа неоскудную благодать исцелений, ради твердыя веры, безмезднаго врачевания
и мученическия кончины вашея. Ей, угодницы Божии, не престайте молитеся за ны,
с верою к вам притекающия: аще бо по множеству грехов наших и несмы недостойни
милосердия вашего, обаче вы вернии подражателие человеколюбия Божия суще,
сотворите, да принесем плоды, достойны покаяния, и вечный покой достигнем,
хваляще и благословяще дивнаго во святых Своих Господа и Бога и Спаса нашего
Иисуса Христа и Пречистую Матерь Его, и ваше тёплое заступление, всегда, ныне и
присно и во веки веков. Аминь.
("Семейный молитвослов"; "Артос - Медиа"; Москва; 2008 год)