Бубайрин мисалар. Vll

87. Улам чирна вац1уз гьахь.
88. Хатур авурдан хуралай хер кими жеч.
89. Кепекдин къадир авачирдаз, манатдин
    къадирни жедач.
90. Вишбра алцума, садра хкат1а.
91. Ягъай ч1емерук кьулухъ элкъведач.
92. Балк1анар гзаф дегишардайди, эхир
    залпандин иеси жеда.
93. Чумал ттарцел жумар ат1уз жеч.
94. Шехь тавур аялдиз мам гудайди туш.
95. Ттарциз як1в яда, тамуз ване хьуй лугьуз.
96. Кич1е виле кьал акьади.
97. Дуьз лугьуз к1андачт1а, тапарар кьванни ийимир.
98. Алачир кар ийимир - кьел т1уьрда яд хъвада.
99. Жува ат1ай фуруз жув аватда.
100. Игитдин гаф сад жеда.
101. Арабадалди къуьр кьаз жеч.
102. Вичин т1еквенда кьифни аслан я.
103. Кьве хали са гъиле кьаз жеч.
104. Ччарадавай хабар къачу, жуваз чидайвал ая.
105. Юргъандиз килигна к1вач кадра.
106. Ч1улав зат1 чуьхвеналди лацу жеч.
107. Гатфарал акьалтай ц1егь рекьидач.
108. Ст1ал-ст1ал к1ват1 жез вир жеда.
109. Тапаррин мензил яргъал жеч.
110. Вун сик1 ят1а, зун сик1ре ттум я.
111. Кьуру ц1амарин ц1ай фад алахьда.
112. Алачиз такабурвал авун герек туш.
113. Гьар са кардихъ гьахъ гьисаб хьунухь
     герек я.
114. Рехъ яргъал хьайит1ани дуьзди хьуй.
115. Мурк кьелеч1 чкадлай хада.
116. Ц1ийи ккулуни хъсан шиткида.
117. Кьил сагъ амукьуй, бермек жигъида.
118. Куьлуьдан къимет течирдаз, екедан
     къадирни ччир жедач.
119. Руфуниз хуш туширди тек са чук1ул я.
120. Киц1ин рик1елай иеси алатдач, кацин
     рик1елай к1вал.
121. Хъсан балк1андиз къирмаж къалурун бес я.
122. Гьардаз вичин ччан ширин я.
123. Жув тийижирдаз, жуван бубани ччир жедач.
124. Къуншидив дуствилелди эгеч1а, амма сергьят
     ч1урмир.
125. Намуссузвилелди дуланмиш жедалди,
     намуслувилелди кьиникь хъсаня.
126. Аял кьеп1инамаз, дана епинамаз вердишна
     к1анда.
127. Мез кьежейди - ам к1ани патахъ рахада.
128. Угъри вичин месел рекьидач.
129. Гафар - гуьрчек, амал - мурдал.