Молитва о благосостоянии детей в обществе

СВТ. МИТРОФАНУ ВОРОНЕЖСКОМУ ЧУДОТВОРЦУ.
Святителю отче Митрофане, нетлением честных мощей твоих и многими благодеяньями,
чудесно содеянными и содеваемыми тобою с верою к тебе притекающим, уверившиеся,
яко имаши велию благодать у Господа Бога нашего, всесмиренно припадаем вси и
молимся тебе: моли о нас Христа Бога нашего, да низпослет всем, чтущим святую
память твою и усердно к тебе прибегающим, богатыя милости Своя: да утвердит во
святей Своей Православной Церкви живый дух правыя вры и благочестия, дух ведения
и любве, дух мира и радости о Духе Святе, да вси члены ея, чисты от мирских
искушений и плотских похотей и злаго действия злых духов, духом и истиною
покланяемся Ему и усердно пекутся о соблюдении заповедей Его ко спасению душ
наших. Пастырем ея да даст святую ревность попечения о спасении людей, им
вверенных, да неверующих просветят, неведущих наставят, сомневающихся вразумят и
удостоверят, отпадших от Православныя Церкве обратят в вятые недра ея, грешных
подвигнут к покаянию, кающихся утешат и укрепят в исправлении жизни, раскаявшихся
и исправившихся утвердят в святости жизни: и тако всех введут указанным от Него
путём в уготованное вечное Царство святых Его. Ей, святителю Божий, да устроиши
молитвами твоими вся благая душам и телесем нашим: да и мы прославим в душах и
телесех наших Господа и Бога нашего, Иисуса Христа, Ему же Со Отцем и Святым
Духом слава и держава во веки веков. Аминь.
("Семейный молитвослов"; "Артос - Медиа"; Москва; 2008 год)